დღეს ლა ლიგას დავემშვიდობეთ - ჩავი ერნანდესი კადისთან მატჩის შემდეგ
"ბარსელონას" მთავარმა მწვრთნელმა, ჩავი ერნანდესმა "კადისთან" მარცხის შემდეგ ჟურნალისტებთან კომენტარი გააკეთა:
ჩვენ მორიგი ფინალი წავაგეთ, წინ კიდევ შვიდი თამაშია დარჩენილი და მომდევნო სეზონისთვის ჩემპიონთა ლიგაზე უნდა გავიდეთ.
მათ დაცვაში ძალიან კარგად ითამაშეს.
სამი ქულის მოსაპოვებლად საკმარისი შანსები შევქმენით, თუმცა ისინი ვერ გამოვიყენეთ.
ჩვენ თვითკრიტიკულები უნდა ვიყოთ, უნდა გავაანალიზოთ, რას ვაკეთებთ არასწორად და უარყოფითი დინამიკა, რაც შეიძლება, მალე შევცვალოთ. რა თქმა უნდა, პედრისა და არაუხოს მსგავსი ფეხბურთელების დანაკლისი შესამჩნევია, მაგრამ ეს გასამართლებელი მიზეზი არაა.
სირცხვილია, რომ კარს უკან მყოფი გულშემატკივრები სტადიონზე არ მოვიდნენ, ჩვენ ისინი ძალიან გვჭირდებოდა.
მე გაბრაზებული ვარ, რადგან კარგად არ გვითამაშია. თავმდაბლები უნდა ვიყოთ, რადგან ჯერ არაფრისთვის მიგვიღწევია. თუ ჩემპიონთა ლიგაზე გასვლა გვსურს, თამაში უნდა გამოვასწოროთ. როდესაც "ბერნაბეუზე" 4-0 იგებ, ლოგიკურია იმის თქმა, რომ "ბარსა" დაბრუნდა, მაგრამ გეუბნებით, რომ ჩვენ უპატიებელი შეცდომები დავუშვით. უფრო კონკურენტუნარიანი გუნდი უნდა ვიყოთ.
ჩვენ "რეალ სოსიედადთან" შეხვედრაზე უნდა ვიფიქროთ და დღეს არმყოფი ფეხბურთელები დავიბრუნოთ.
ბოლო 2-3 თამაში კარგი არ გამოდგა. ჩვენ უფრო მეტი რწმენითა და მონდომებით უნდა ვითამაშოთ, როგორც შეტევაში, ისე დაცვაში. დღეს რთული მატჩი გამოვიდა, საკუთარი თავები უნდა გავაკრიტიკოთ. წინ "სოსიედადთან" თამაში გველის და უნდა მოვუმატოთ.
საკუთარ თავს ყველაზე მეტად პასუხისმგებელ პირად მივიჩნევ და ფეხბურთელებს დაველაპარაკები.
ბილეთებთან დაკავშირებული სკანდალი? ლაპორტამ უკვე ამიხსნა, რა მოხდა ხუთშაბათს. მას ურჩევნია, ეს საჯაროდ განაცხადოს.
ჩვენ ცუდ სიტუაციაში არ ვართ, გუნდმა ნოემბრის შემდეგ მოუმატა, თუმცა განვითარება უნდა განვაგრძოთ
მსოფლიოში თითქმის არავინ ქმნის იმდენ შანსს, რამდენსაც დემბელე, მაგრამ კარის წინ ან პასის გაკეთებისას სწორი გადაწყვეტილება უნდა მიიღო.
დღეს ლა ლიგას დავემშვიდობეთ. ყველა თამაში ფინალია, ჩვენ კი ისე ვერ ვითამაშეთ, თითქოს ეს ასე იყო.
ფეხბურთელები გაბრაზებულები არიან. მე ისინი გავამხნევე და ვუთხარი, რომ ხუთშაბათს უკეთესები უნდა იყვნენ. ეს თამაში უნდა მოვიგოთ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 20 ]