ბარსელონამ რობერტოს ახალი კონტრაქტის პირობები გააცნო

დღეს "ბარსელონასა" და სერჟი რობერტოს აგენტებს შორის შეხვედრა გაიმართა. კატალონიურმა კლუბმა ფეხბურთელის აგენტებს შეთავაზება გაუკეთა.

Mundo Deportivo-ს ცნობით "ბარსა" რობერტოს მხოლოდ ერთწლიან კონტრაქტს სთავაზობს კიდევ ერთი წლით გაგრძელების პერსპექტივით. მთავარი ამბავი კი ისაა, რომ ფეხბურთელს ხელფასის მნიშვნელოვნად შემცირება მოუწევს.

კატალონიური გამოცემის ინფორმაციით "ბლაუგრანას" 30 წლის უნივერსალის შენარჩუნება უნდა, რისი მიზეზიც ჩავი ერნანდესის სურვილია.

დარჩენა უნდა რობერტოსაც, მაგრამ არა ნებისმიერ ფასად, რადგან მას სხვა კლუბებისგან შეთავაზებები აქვს.

რობერტოსა და "ბარსელონას" შორის მოქმედ კონტრაქტს ვადა მიმდინარე სეზონის ბოლოს გასდის და თუ მხარეები ვერ შეთანხმდნენ, სერჟი "ბარსას" უფასოდ დატოვებს.