3 თამაში, 0 წუთი - რატომ გამოიძახა ლუის ენრიკემ ფატი ნაკრებში?
ანსუ ფატი 2020 წლის შემდეგ ნაკრებში პირველად გამოიძახეს. ამხელა დროის გაცდენის მიზეზი, რა თქმა უნდა, ის მძიმე ტრავმებია, რომლებიც ახალგაზრდა ტალანტს ბოლო წლებში ტანჯავს.
ივნისის სანაკრებო პაუზის დროს ესპანეთის ეროვნულმა გუნდმა უკვე 3 თამაში ჩაატარა და ფატი მოედანზე ჯერ არ გვიხილავს. მოსალოდნელია, რომ ის არც ხვალ ჩეხეთთან გასამართ შეხვედრაში ითამაშებს.
მაშინ რატომ გამოიძახა ფატი ლუის ენრიკემ და რატომ არ მისცა მას ახალი სეზონის წინ კარგად დასვენების საშუალება? "ფურია როხას" მთავარმა მწვრთნელმა თავიდანვე განაცხადა, რომ ფატის ჯანმრთელობის გარისკვას და მისთვის ბევრი სათამაშო დროის მიცემას არ აპირებდა. ახლა კი ARA იტყობინება, რომ ფატის გამოძახების მიზანი მისი მოედანზე შეშვება საერთოდ არ იყო. ლუის ენრიკეს სურს, რომ თანაგუნდელებთან ვარჯიშის დროს ანსუმ თავი ისევ ნაკრების მნიშვნელოვან წევრად იგრძნოს, რაც მას ნოემბერ-დეკემბერში გასამართი მსოფლიო ჩემპიონატისთვის უკეთ მომზადებაში დაეხმარება.
ამ სიახლეზე კომენტარები გათიშულია.
კომენტარები [ 7 ]