ბარსელონა სარეზერვო გუნდიდან 3 ახალგაზრდას უშვებს
Relevo-ს ინფორმაციით, "ბარსელონა" სარეზერვო გუნდის 3 ფეხბურთელს უშვებს.
საქმე ხანდრო ორელიანას, რამოს მინგოსა და ჟერარ ფერნანდესს (პეკე) ეხებათ. კლუბს სამივე მათგანის კონტრაქტის 2 წლით გახანგრძლივების უფლება ჰქონდა, მაგრამ, წყაროს ცნობით, ამის გაკეთებას არ აპირებს. შესაბამისად, ახალგაზრდა მოთამაშეები "ბარსა ატლეტიკს" თავისუფალი აგენტის სტატუსით დატოვებენ.
ორელიანა, რომელიც საყრდენი ნახევარმცველის პოზიციაზე თამაშობს, "ლა მასიას" აღზრდილია. იგი სარეზერვო გუნდში 2019 წლიდან ირიცხებოდა; რაც შეეხება რამოს მინგოს - არგენტინელი კლუბმა "ბოკა ხუნიორსიდან", 2020 წელს დაიმატა, რის შემდეგაც სანტიაგო "ბარსა ატლეტიკში" გამოდიოდა; ამ უკანასკნელის მსგავსად, სარეზერვო გუნდის მაისურს პეკეც 2020 წლიდან ატარებდა.
გუნდს ტოვებენ არნაუ კომასი, ლუკას დე ვეგა, ანხელ როდადო და ჟორდი ესკობარიც.
ამ სიახლეზე კომენტარები გათიშულია.
კომენტარები [ 5 ]