ბარსელონა კაპიტნებთან მოლაპარაკებებს იწყებს
ივნისის ბოლომდე სულ უფრო და უფრო ცოტა დრო რჩება, "ბარსელონას" ფინანსური პრობლემები კი ისევ მოუგვარებელია.
კატალონიური კლუბი რთული პერიოდის დაძლევას რამდენიმე ხერხით აპირებს - ფეხბურთელების გაშვება, აქტივების გასხვისება და ხელფასების შემცირება.
ბოლო კვირებში "ბარსას" ხელმძღვანელმა პირებმა დაადასტურეს, რომ კლუბი ხელფასების კიდევ ერთხელ შემცირებას არ გამორიცხავს. გუნდის კაპიტნებიდან ერთ-ერთმა, სერჟი რობერტომ ხელფასი 60%-ით უკვე შეიმცირა. გავრცელდა ინფორმაცია, რომ ჟერარ პიკე მზადაა, მოლაპარაკებები დაიწყოს, ბუსკეტსსა და ალბას კი ამის სურვილი არ აქვთ. ნაკრებში მყოფმა ბუსკეტსმა და ალბამ მიმდინარე პროცესების მიმართ ნეგატიური განწყობა დაადასტურეს, თუმცა კლუბის დახმარებაზე მზადყოფნაც დააფიქსირეს.
Sport-ის ცნობით "ბარსელონა" აპირებს, ალბას, პიკესა და ბუსკეტსის წარმომადგენლებთან მოლაპარაკებები მიმდინარე კვირაში დაიწყოს.
ამ სიახლეზე კომენტარები გათიშულია.
კომენტარები [ 5 ]