ასპილიკუეტას ბარსელონაში ტრანსფერი, შესაძლოა, რამდენიმე საათში გაოფიციალურდეს | ხავი მიგელი ბარსაზე
ხავი მიგელის ინფორმაციით, სესარ ასპილიკუეტას "ბარსელონაში" ტრანსფერი, შესაძლოა, რამდენიმე საათში გაოფიციალურდეს.
როგორც ესპანელი ჟურნალისტი იტყობინება, დღეს, "ლურჯ-ბროწეულისფერებმა" ლონდონის "ჩელსისთან" მოლაპარაკებები გამართეს და შეთანხმების მიღწევასთან ისე ახლოს არიან, როგორც არასდროს.
"ბარსას" სურს, 32 წლის მარჯვენა მცველი მომავალ კვირაში წარადგინოს.
რაც შეეხება ალონსოს - მისი ტრანსფერი შედარებით გაიწელება. გამორიცხული არაა, "ჩელსიმ" კატალონიურ გრანდს მარკოსის ფრენკი დე იონგის გარიგებაში ჩართვა შესთავაზოს.
ამავე წყაროს ცნობით, "ბარსელონა" პრემიერ ლიგიდან მცველისა და თავდამსხმელის შეძენასთან ძალიან ახლოსაა. უკანახაზელი, დიდი ალბათობით, სწორედ ასპილიკუეტა იქნება, შემტევი კი - რაფინია.
ხავი მიგელის თქმით, კლუბი რაფინიასა და დემბელეს შორის პრიორიტეტს ბრაზილიელს ანიჭებს და მის ტრანსფერს ისევე მნიშვნელოვნად მიიჩნევს, როგორც ლევანდოვსკისა და კუნდეს მოყვანას. "ბარსას" სურს, რაფინია მეორე ბერკეტის გააქტიურებამდე იყიდოს, რადგან უნდა, ახალგაზრდა ფეხბურთელი ამერიკულ ტურამდე გუნდის წევრი იყოს.
ჩავი ერნანდესმა აზრი შეიცვალა და ფიქრობს, რომ რაფინია და დემბელე ერთად ვერ ითამაშებენ, რის გამოც, ფრანგის კონტრაქტის გახანგრძლივებას გამორიცხავს.
ამ სიახლეზე კომენტარები გათიშულია.
კომენტარები [ 8 ]