ლევანდოვსკის პრეზენტაცია დღეს გაიმართება

"ბარსელონაში" რობერტ ლევანდოვსკის ტრანსფერი გუშინწინ გაოფიციალურდა, რის გამოც კატალონიის დედაქალაქში მისი წარდგენა ვერ მოხერხდა.

16 ივლისს გუნდი, პრესეზონის გასაგრძელებლად, ამერიკის შეერთებულ შტატებში გაემგზავრა, შესაბამისად, რობერტი მიუნხენიდან ჯერ - მალიორკაზე, შემდეგ - მადრიდში, იქიდან კი პირდაპირ მაიამიში გაემგზავრა (მისი რეისი ჯერ არ დაფრენილა), რათა ახალ თანაგუნდელებს შეუერთდეს.

Mundo Deportivo-ს ინფორმაციით, ლევანდოვსკის პრეზენტაცია სწორედ მაიამიში, დღეს, 18 ივლისს გაიმართება, ჟერარ რომეროს თქმით კი, ბარსელონაში დაბრუნების შემდეგ, "კამპ ნოუზე" უფრო გრანდიოზული ცერემონია შედგება.