ოფიციალურად: ჟიულ კუნდეს ტრანსფერი დახურულია

გუშინ დადასტურდა, რომ "ბარსელონამ" ჟიულ კუნდეს თაობაზე "სევილიასთან" პრინციპულ შეთანხმებას მიაღწია. 

ეს ნიშნავს, რომ ფრანგის ტრანსფერი სამედიცინო შემოწმების გავლაზე იყო დამოკიდებული - ფეხბურთელმა ეს პროცესი წარმატებით გაიარა და, შესაბამისად, ის, უკვე სრულყოფილად, "ბარსელონელია".

კუნდე "ბარსასთან" 5-წლიან კონტრაქტს გააფორმებს, მისი გამოსასყიდი თანხა კი €1 მილიარდი იქნება.

ჟიულის პრეზენტაცია 1 აგვისტოს, თბილისის დროით 13:30 საათზე გაიმართება.

სრული განრიგი შემდეგნაირად გამოიყურება:

13:00 | კონტრაქტის გაფორმება სიუტატ ესპორტივას ოფისში;

13:30 | კონტრაქტის გაფორმება საჯაროდ, ტიტო ვილანოვას სახელობის სავარჯიშო მოედანზე და პრეზენტაცია ლურჯ-ბროწეულისფერი ფორმით;

14:15 | პრესკონფერენცია სიუტატ ესპორტივას ოთახში.

კლუბის ოფიციალური საიტის ინფორმაციით, 23 წლის მცველმა დღეს, დარბაზში ინდივიდუალურად უკვე ივარჯიშა, შემდეგ კი სიუტატ ესპორტივაზე გარკვეული სამუშაოებით დაკავდა.