ტერ შტეგენი ხელფასის შემცირებაზე თანახმაა, დე იონგის პასუხი უცნობია

"ბარსელონა" გუნდის ლიდერებთან ხელფასების შემცირებასთან დაკავშირებით მოლაპარაკებებს აწარმოებს. 

ჟერარ პიკესა და სერხიო ბუსკეტსთან პროცესის შეჩერების შემდეგ, კლუბისთვის პრიორიტეტული მარკ-ანდრე ტერ შტეგენთან და ფრენკი დე იონგთან შეთანხმებაა.

ჟერარ რომეროს ინფორმაციით, გერმანელი მეკარე ანაზღაურებას შეიმცირებს, რათა კლუბს დაეხმაროს. რაც შეეხება დე იონგს, "ბარსა" ნიდერლანდელს ხელფასის 35-40%-ით დაკლებას სთავაზობს, თუმცა ფეხბურთელის საბოლოო პასუხი უცნობია.

კატალონიელებს სახელფასო ხარჯების გამოთავისუფლება ახალი მოთამაშეების დამატებისა და დარეგისტრირებისთვის სჭირდება. მიუხედავად იმისა, რომ სატრანსფერო ფანჯარა ორ დღეში იხურება, "ბარსასგან" აქტიურობას კვლავ ველით.