ბარსელონა ნიკოს იანვარში დაბრუნების ვარიანტს განიხილავს

დღეს ჟოან ლაპორტასა და ცნობილ აგენტს, ჟორჟე მენდეშს შორის ბარსელონას ერთ-ერთ რესტორანში შეხვედრა გაიმართა.

შეხვედრის დეტალების შესახებ ინფორმაციას ჟერარ რომერო ავრცელებს. მისი ცნობით მხარეების მთავარი განსახილველი თემა "ბარსას" მარცხენა მცველის, ალეხანდრო ბალდეს კონტრაქტის გახანგრძლივება იყო.

კიდევ ერთი საკითხი, რომელიც განიხილეს, ნიკო გონსალესის მომავალია. ახალგაზრდა ნახევარმცველი "ვალენსიაში" იჯარით თამაშობს და განვითარებისთვის საკმარის სათამაშო დროს ვერ იღებს. რომეროს ცნობით მხარეებმა განიხილეს ვარიანტი, რომ იანვარში იჯარის ხელშეკრულება გაწყვიტონ და ნიკო "ბარსელონაში" დაბრუნდეს.