ბაიერნს ბარსელონასთან ნოიერი, სანე და ერნანდესი არ ეყოლება

ოთხშაბათს, 26 ოქტომბერს "ბარსელონა" ერთი ისეთი თამაში აქვს, რომლის მნიშვნელობაც ჯერ გარკვეული არაა.

"ბარსელონასა" და "ბაიერნის" დაპირისპირება 23:00 საათზე დაიწყება. ამ დროისთვის "ინტერისა" და "პლზენის" მატჩი დასრულებული იქნება და გვეცოდინება, შევინარჩუნებთ თუ არა ჯგუფიდან გასვლის შანსს. თუ სასწაული მოხდა და "ინტერმა" "პლზენს" მილანში ვერ მოუგო, მაშინ "ბარსას" შანსები დარჩება, მაგრამ მათ შესანარჩუნებლად "ბაიერნთან" მოგება მოუწევს.

თუ "ინტერი" "პლზენს" დაამარცხებს, "ბლაუგრანა" ჩემპიონთა ლიგის ჯგუფს გარანტირებულად მე-3 ადგილზე დაასრულებს და როგორც "ბაიერნთან", ასევე "პლზენთან" შეხვედრებს აზრი დაეკარგება. მიუნხენურ გუნდთან მოგება გუნდის მორალზე ნებისმიერ შემთხვევაში კარგად იმოქმედებს, მაგრამ კალენდარი ისეთი გადატვირთულია, საკითხავია, რამდენად მოინდომებს ჩავი, სატურნირო მნიშვნელობას მოკლებულ მატჩში ძალები სრულად დახარჯოს.

რაც ნამდვილად ვიცით, ისაა, რომ "ბაიერნი" "ბარსელონასთან" დაპირისპირებას მნიშვნელოვანი დანაკლისით შეხვდება. Kicker-ის მიერ დღეს გავრცელებული ინფორმაციის თანახმად, გადაწყვეტილია, რომ "კამპ ნოუზე" გასამართ დაპირისპირებას მანუელ ნოიერი, ლეროი სანე და ლუკას ერნანდესი გამოტოვებენ.