ბარსელონას რჩეული ნ'გოლო კანტეა
თითქმის გადაწყვეტილია, რომ კაპიტანი სერხიო ბუსკეტსი სეზონის "ბარსელონას" სეზონის დასრულებისთანავე დატოვებს, რის გამოც კლუბი ახალ საყრდენს ეძებს.
Relevo-ს ჟურნალისტების - ტონი ჟუანმარტისა და ალბერ როგეს ცნობებით, ბუსკეტსის შემცვლელად "ბარსას" სპორტული სექტორისა და სამწვრთნელო შტაბის რჩეული ნ'გოლო კანტეა, რომელსაც "ჩელსისთან" კონტრაქტი 2023 წლის 30 ივნისს ეწურება.
შესაბამისად, "ბარსელონას" იანვარში ფრანგის შეძენა იაფი დაუჯდება, ზაფხულში კი საერთოდ უფასოდ დამატება შეეძლება, მაგრამ, რა თქმა უნდა, ეს ყველაფერი იმ შემთხვევაში, თუ ფეხბურთელი ინგლისელებთან ხელშეკრულებას არ გაახანგრძლივებს.
ბოლო პერიოდში "ბლაუგრანას" მარტინ სუბიმენდის, ედსონ ალვარესს, რუბენ ნევეშს, ჟორჟინიოსა და კიდევ არაერთ სხვა ნახევარმცველს უკავშირებდნენ, მაგრამ, როგორც ჩანს, გეგმები შეიცვალა.
ამ სიახლეზე კომენტარები გათიშულია.
კომენტარები [ 20 ]