ჩავი ერნანდესი ჟირონასთან მატჩის წინ
ჩავი ერნანდესმა "ჟირონასთან" მატჩის წინ პრესკონფერენცია გამართა.
რთულ, დაძაბულ შეხვედრას ველით. "ჟირონა" თავს ძალიან კარგად იცავს. მათი სტილი ჩვენსას ჰგავს. მიჩელი სამაგალითო მწვრთნელია, ის ძალიან მომწონს.
ჩვენ კარგი პერიოდი გვაქვს. გასულ სეზონთან შედარებით დიდი ცვლილება განვიცადეთ. დაცვაში ძალიან ვუმატებთ.
კოპა დელ რეის წილისყრაზე არ ვფიქრობ. ჩვენ ხვალინდელ თამაშზე ვართ ფოკუსირებულნი.
დემბელე ჩემთვის ძალიან მნიშვნელოვანი ფეხბურთელია, მას განსხვავების შექმნა შეუძლია. ვიმედოვნებ, ის გუნდში დიდხანს დარჩება.
ხვალ როტაციებს უნდა ველოდოთ. 3-4 ფეხბურთელი დისკვალიფიკაციის ზღვარზეა, ისინი თამაშისთვის ყოველთვის მზად უნდა იყვნენ.
გავის პირველ გუნდში დარეგისტრირებასთან დაკავშირებით მშვიდად ვარ. კლუბი სწორედ ამას მეუბნება.
ფერან ტორესი არასდროს ნებდება, ის პროფესიონალია. ის ბოლომდე იხარჯება და თავის საქმეს ყოველთვის ასრულებს.
ბუსკეტსის გადაწყვეტილება პირადი საკითხია. ის ჩემთვის მნიშვნელოვან ფეხბურთელად დარჩება და მოხარული ვიქნები, თუ კონტრაქტს გაახანგრძლივებს.
პედრის ციფრები გასაოცარია. ის ბრწყინვალეა და კიდევ უფრო დიდი პოტენციალი აქვს. ჩვენ ახალგაზრდების შესანიშნავი თაობა გვყავს, მათ თავი დაფასებულად უნდა ვაგრძნობინოთ და მოტივაცია მივცეთ.
ალონსოს კონტრაქტი? მისი ყოლით ძალიან ბედნიერი ვარ. მარკოსმა ადაპტაცია ძალიან კარგად გაიარა. ის მაღალი დონის შენაძენია.
არნაუ მარტინესს ვაკვირდებით. ის ძლიერი და ტექნიკურია. ის საინტერესო მოთამაშეა.
ტერ შტეგენი მსოფლიოს სამ საუკეთესო მეკარეს შორისაა. თუმცა ჩვენთვის ის ყოველთვის ნომერ პირველია.
დემბელესთან მიმართებით სპეციალური პროგრამა გვაქვს, რათა ტრავმები თავიდან ავიცილოთ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 7 ]