ჩავი ერნანდესი ალმერიასთან მატჩის წინ
ჩავი ერნანდესი "ალმერიასთან" მატჩის წინ ჟურნალისტებთან საუბრობს:
საკუთარ მოედანზე "ალმერია" ძლიერია. ვფიქრობ, ისინი თავს დიდი ძალებით დაიცავენ და 5 მცველით ითამაშებენ.
"რეალ მადრიდთან" მატჩზე ჯერ ვერ ვიფიქრებთ, რადგან ხვალ ლა ლიგაში სათამაშო გვაქვს და მოგება გვსურს.
დემბელე? ის კარგადაა, გუშინ ივარჯიშა და ფორმაშია. უსმანი ჯერ 100%-ით მზად არაა, მაგრამ დაბრუნებამდე დიდი დრო არ რჩება.
არაუხო შესანიშნავადაა, ანსუმ კი ვარჯიშზე მუხლი დაიზიანა და ხვალ ვერ ითამაშებს, მაგრამ, ვიმედოვნებ, კოპა დელ რეის ნახევარფინალისთვის მზად იქნება.
ყოველთვის მსურს, ძლიერი შემადგენლობა მყავდეს და დიდი არჩევანის საშუალება მქონდეს. წელს კარგი შემადგენლობა გვყავს, მაგრამ გუნდი ყოველთვის უნდა გაძლიერდეს, რათა უფრო კონკურენტუნარიანი იყოს.
მიმდინარე სეზონის ყველაზე დიდი იმედგაცრუება ჩემპიონთა ლიგის მერვედფინალში ვერგასვლაა.
მანჩესტერში კარგად გამოვიყურებოდით და მოგება შეგვეძლო, მაგრამ მეტოქეც ძალიან კარგ ფორმაში იყო.
ფიზიკურ ასპექტში ლა ლიგაში საუკეთესოები ვართ, ყველაზე მეტს დავრბივართ და ამას მაღალ ტემპში ვაკეთებთ.
ლევანდოვსკიმ იცის, რომ ეს გრძელვადიანი პროექტია. ახლა ბევრად ძლიერები ვართ, ვიდრე მაშინ, როცა რობერტი მოვიდა. პოლონელი ლა ლიგისა და კოპა დელ რეის მოგებაზეა ფოკუსირებული.
მადრიდული დერბი? თუ "ატლეტიკო" მოიგებს, ეს, შესაძლოა, დაგვეხმაროს, მაგრამ ამას ჩვენ ვერ გავაკონტროლებთ. ჩვენ საკუთარი სამუშაო უნდა შევასრულოთ, თუმცა დერბის თვალს მივადევნებთ.
ვფიქრობ, ფერანის მენტალიტეტი შეიცვალა. ის ჩვენთვის მნიშვნელოვანი ფეხბურთელი იქნება. მან "კადისთან" და "იუნაიტედთან" მატჩებში თავდაჯერებულობა მოიპოვა.
ბუსკეტსს მანჩესტერში შესანიშნავი პირველი ტაიმი ჰქონდა, მაგრამ შემდეგ მთელს გუნდს გაუჭირდა. ბევრად ერთიანები უნდა ვიყოთ.
რობერტოს თამაში არაერთ პოზიციაზე შეუძლია. ის ნებისმიერ მწვრთნელს გამოადგება.
გარნაჩოს ქმედება? ყველა ფეხბურთელი განსხვავებულია, მაგრამ ზოგჯერ მეტი თანაგრძნობაა საჭირო. მეტოქის ქომაგებს ყველამ პატივი უნდა სცეს.
თუ ესპანეთის ჩემპიონები გავხდებით, ეჭვგარეშეა, რომ კარგი სეზონი გამოგვივა. ყველაფერი ჩვენზეა დამოკიდებული.
ამ სიახლეზე კომენტარები გათიშულია.
კომენტარები [ 3 ]