ესპანური გუნდები დოს სანტოსისთვის იბრძვიან

ახალგაზრდა მექსიკელი ფეხბურთელის, ჯონათან დოს სანტოსის მიერ კარგად ჩატარებულმა სეზონმა სხვადასხვა ესპანური გუნდების ყურადღება მიიქცია...

"ბარსა ბ"–ს მექსიკელი ნახევამრცველის, ჯონათან დოს სანტოსის მიმართ ინტერესებს ისეთი გუნდები იჩენენ, როგორიცაა "სევილია", "რეალ ბეტისი", "რასინგი" და "სარაგოსა". ისინი ნიჭიერი ფეხბურთელის შეძენის სურვილით უკვე რამდენიმე თვეა, რაც "შეპყრობილნი" არიან.

მართალია მისით ინტერესს ასეთი გუნდები გამოთქვამენ, თუმცა თავად ფეხბურთელი აცხადებს: "მე მსოფლიოს საუკეთესო კლუბში ვთამაშობ და კონტრაქტის ამოწურვამდე ერთი წელია დარჩენილი. ვიცი, რთულია პირველ გუნდში მოხვედრა და თამაში, თუმცა მიუხედავად ამისა, მე მაინც აქ დარჩენა მსურს."