ჩავის რუბენ ნევეშის ტრანსფერი არასდროს განუხილავს

უეფას პრეზიდენტი: "საუდის არაბეთი? ერთი ახალგაზრდა მაინც დამისახელეთ, ვინც იქ კარიერის პიკში წავიდა"
თარიღი: 18 ივნ 2023, 23:00

უეფას პრეზიდენტმა, ალექსანდრ ჩეფერინმა ევროპის ლიგებიდან საუდის არაბეთში ვარსკვლავების წასვლაზე საკუთარი მოსაზრება გამოთქვა.
„ერთი ტოპ-დონის ფეხბურთელი მაინც დამისახელეთ, ვინც ფორმის პიკში, ან კარიერის სტარტზე წავიდა საუდის არაბეთში?
საქმე მხოლოდ ფულში არ არის. ფეხბურთელებს ტოპ-ტურნირების მოგება უნდათ, ასეთები კი მხოლოდ ევროპაშია.
რონალდუს და მესის წასვლა? ჩვენ ისინი არ დაგვიკარგავს, ჯერ კიდევ თამაშობენ. კარიერის ბოლოს ზოგი ფეხბურთელი ფულის საშოვნელად სადმე მიდის ხოლმე, ეს გასაკვირი არ არის.“ - აღნიშნა ჩეფერინმა.

კი ბატონო, თუ რონალდუ არ არის შენთვის მაგალითი მაშინ აგერ ცოცხალი მაგალითი რუბენ ნევეში, ასევე ედუარდ მენდი, რომელმაც ალ-აჰლისთან შეთანხმებას მიაღწია. კიდევ: მილანის "ინტერის" ნახევარმცველმა მარსელო ბროზოვიჩმა შესაძლოა კარიერა საუდის არაბეთში გააგრძელოს, მიმდინარეობს მოლაპარაკება, წავიდა ბენზემა, საუდელები ზიეჩის ტრანსფერს ხურავენ და კულიბალიზეც იმედიანად არიან, კანტე ალ იტიჰადში გადასვლასთან ახლოსაა. და ასე შემდეგ. და ეს ყველაფერი დღეს ამოკითხული ნიუსებიდან არის. ფეხბურთელების მარტო დღე და ღამე თამაში კი არ უნდათ, დასვენებაც და კაი ფულის გამომუშავებაც, რომელსაც მაგრად აზიხარ. მაგრამ იმ ხალხმაც ისწავლა ჭკუა და მარტო შენს გასართობად არ უნდათ სირბილი.