ანსუ ფატი სპეციალური პროგრამით ვარჯიშობს
"ბარსელონას" ახალგაზრდა თავდამსხმელი ანსუ ფატი "ბლაუგრანაში" წარმატების მიღწევის იმედს არ კარგავს და ამისათვის ძალ-ღონეს არ იშურებს.
Mundo Deportivo-ს ცნობით 20 წლის თავდამსხმელი სპეციალური პროგრამით ვარჯიშობს იმისათვის, რომ წინასასეზონო მზადების დასაწყისს შესაბამის ფორმაში შეხვდეს.
ანსუ ჯერ კიდევ ძალიან ახალგაზრდაა და მას ყველაფერი წინ აქვს. მისი ტალანტი და ტექნიკური შესაძლებლობები კითხვის ნიშნის ქვეშ არ დგას. თუმცა ისიც თვალსაჩინოა, რომ ტრავმებისა და ოპერაციების სერიის შემდეგ მისი ფიზიკური კონდიციები მნიშვნელოვნად გაუარესდა და ფატიმ თავდაჯერებაც დაკარგა.
რამდენიმე კვირის წინ "ბარსელონას" ფატის გაყიდვა ჰქონდა გადაწყვეტილი, მაგრამ ვინაიდან ფეხბურთელი უარზეა, მას არც ბევრი მსურველი ჰყავს და ლეო მესის დაბრუნებისთვის სახელფასო ფონდის გამოთავისუფლების საკითხიც დღის წესრიგიდან მოიხსნა, ანსუს გაყიდვამ აქტუალობა დაკარგა.
ამ სიახლეზე კომენტარები გათიშულია.
კომენტარები [ 11 ]