სერჟინიო დესტი პსვ-ს უახლოვდება
სერჟინიო დესტი ნიდერლანდებში დაბრუნებასთან ახლოსაა.
ნიდერლანდელი ჟურნალისტის რიკ ელფრინკის ინფორმაციით, "პსვ ეინდჰოვენი" "ბარსელონას" ამერიკელის იჯარით დამატებაზე შეუთანხმდა. ამ ინფორმაციას ტონი ხუანმარტიც ადასტურებს. ესპანელი ჟურნალისტის ცნობით, პსვს დესტის 10 მილიონ ევროდ გამოსყიდვის უფლება ექნება. ეინდჰოვენური კლუბი ფეხბურთელის ხელფასის ნახევარს გადაიხდის.
დესტი ნიდერლანდებში უახლოეს საათებში გაფრინდება. შესაძლოა, მან სამედიცინო შემოწმება დღესვე გაიაროს და ახალ გუნდს დაუყოვნებლივ შეუერთდეს, რათა სამშაბათს გასამართ შეხვედრაში მონაწილეობა მიიღოს.
22 წლის უკანახაზელმა, რომელიც "ბარსამ" 2020 წელს "აიაქსიდან" დაიმატა, გასული სეზონი იჯარით "მილანში" გაატარა. მას კატალონიურ კლუბთან კონტრაქტი 2025 წელს ეწურება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 14 ]