სანჩესი: "მე არც რონალდო ვარ და არც მესი"

იტალიური "უდინეზეს" ნახევარმცველმა, ალექსის სანჩესმა, რომლის სატრანსფერო ფასიც ნელ–ნელა იზრდება და აგერ უკვე 35 მილიონ ევროსაც მიუკაკუნა, ჟურნალისტებს სთხოვა, რომ მსოფლიო ფეხბურთის არც ერთ ვარსკვლავს აღარ შეადარონ...

"მე მსურს, რომ მსოფლიო ფეხბურთში ალექსის სანჩესად დავრჩე. მე ჯერ იმისთვის არ მიმიღწევია, რასაც რონალდუმ და მესიმ მიაღწიეს. მე უბრალოდ სანჩესი და დამწყები ფეხბურთელი ვარ. ნამდვილ ფეხბურთელად ჩამოსაყალიბებლად  კი კიდევ 2–3 წელი დამჭირდება", – ციტირებს ჩილელი ფეხბურთელის სიტყვებს "Football Italia".