Puma ცდილობს, რომ ბარსელონას სპონსორი გახდეს

"ბარსელონას" მაისურების ახალი სპონსორი, შესაძლოა, Puma გახდეს, იტყობინება Mundo Deportivo.

წყაროს ინფორმაციით, გერმანული ბრენდი ცდილობს, რომ კატალონიური კლუბის სპონსორი გახდეს. "ბარსა" ჯერ-ჯერობით ამჯობინებს, რომ ამ სიტუაციაზე კომენტარი არ გააკეთოს იმ არგუმენტით, რომ ეს "რთული საკითხია", თუმცა ისინი Puma-ს ინტერესს არ უარყოფენ. ზოგი ამბობს, რომ 2025/26 წლების სეზონისთვის "ბარსელონას" ფორმებს უკვე Puma დაამზადებს.

"ბლაუგრანას" Nike-სთან კონტრაქტი 2028 წლამდე აქვს. ისინი ფიქსირებულ 105 მილიონ ევროსა და ბონუსების სახით 50 მილიონ ევროს იხდიან. მხარეები 1998 წლიდან თანამშრომლობენ, მაგრამ სხვადასხვა მიზეზების გამო, ბოლო დროს მათ შორის დაძაბულობა იყო.

სულ მცირე, ლოგისტიკური მიზეზების გამო, მოსალოდნელია, რომ Nike შემდეგ სეზონშიც "ბარსელონას" სპონსორი იქნება. დედლაინების გამო, მათ პროდუქციის წარმოება მალე უნდა დაიწყონ.