ესპანეთის სუპერ თასის ფინალს მარტინეს მუნუერა განსჯის

ესპანეთის სუპერ თასის ფინალს, რომელიც 14 იანვარს "ბარსელონასა" და "რეალ მადრიდს" შორის გაიმართება, ხუან მარტინეს მუნუერა განსჯის.

აღნიშნულის შესახებ ინფორმაციას Marca ავრცელებს, რომელმაც სტატიას ზედ მუნუერას "ელ კლასიკოებში" დაფიქსირებული სტატისტიკაც დაურთო.

როგორც ვკითხულობთ, მუნუერას აქამდე "რეალ მადრიდისა" და "ბარსელონას" დაპირისპირება 3-ჯერ აქვს განსჯილი, რომლიდანაც 2 მადრიდელებმა, ერთი კი კატალონიელებმა მოიგეს.

ხუან მარტინეს მუნუერას მსაჯობისას "ბარსელონას" "ელ კლასიკოში" ერთადერთი გამარჯვება 2021/2022 წლების სეზონში აქვს მოპოვებული, როდესაც "ბლაუგრანამ" მეტოქეს გასვლით შეხვედრაში დიდი ანგარიშით, 4:0 მოუგო.