ჩავი ერნანდესი გრანადასთან მატჩის წინ

"გრანადამ" რამდენიმე დღის წინ მწვრთნელი შეიცვალა. ვფიქრობ, ალექსანდრ მედინასთან ერთად მათ დაცვაში მოუმატეს და უფრო აგრესიულები არიან. რთული მეტოქე გვყავს, რომელსაც ქულები სჭირდება. ქომაგების მხარდაჭერა გვჭირდება, რათა კარგი სვლა გავაგრძელოთ. ეს დამატებითი მოტივაციაა, რომ ჩვენი პროგრესის დემონსტრაცია მოვახდინოთ.

ლამინ იამალი და რაფინია მსგავს პოზიციაზე თამაშობენ, მაგრამ მათ მოედანზე ერთად ყოფნა შეუძლიათ. დარწმუნებული ვარ, რომ ბრაზილიელის დაბრუნება გოლების გატანაში დაგვეხმარება.

კუბარსისა და მარტინესს იდენტური როლი აქვთ. პაუთი ძალიან კმაყოფილი ვარ, მან სამწვრთნელო შტაბისა და თანაგუნდელების ნდობა მოიპოვა. ინიგოც გვყავს, მაგრამ კუბარსი შანსებს კვლავ მიიღებს.

კანსელუ და არაუხო დისკომფორტით თამაშობდნენ, მაგრამ ისინი ხვალ მზად იქნებიან.

მსაჯებზე არ მკითხოთ, რადგან არაფერს ვიტყვი. ჩემი აზრი გასულ კვირაში უკვე დავაფიქსირე.

გავის რეაბილიტაციის პროცესი შესანიშნავად მიმდინარეობს. ის კარგ განწყობაზეა. მიუხედავად იმისა, რომ ვერ თამაშობს, გუნდის უმნიშვნელოვანესი წევრია.

მისით ძალიან კმაყოფილი ვარ. ფერმინი სეზონის ერთ-ერთი ყველაზე დიდი აღმოჩენაა. მან თითქმის ყველა მატჩში ითამაშა. პედრი, ფრენკი, გიუნდოგანი, კრისტენსენი საყრდენად... ნახევარდაცვაში დიდი კონკურენციაა, რაც ძალიან მახარებს.

პაუ უნივერსალია, რომელიც დაგვეხმარება. ის პირველ გუნდში დებიუტისთვის მზადაა. 

ძალიან კარგია. ასევე პედრი. მათ ლევანდოვსკი უნდა მოამარაგონ. რობერტის პროდუქტიულობაზე ვმუშაობთ და ეს აშკარად ამართლებს. გიუნდოს 10-15 მეტრით წინ აწევით პოლონელი დიდებულად სარგებლობს. 

რომეუმ ბევრი მატჩი დისკომფორტით ითამაშა - ბევრი ფეხბურთელი ამას არ იზამდა. ორიოლი რთულ პერიოდს გადის და ხვალ დაისვენებს. ის "სელტასთან" მატჩისთვის მზად იქნება.

ტერ შტეგენი ძალიან მნიშვნელოვანი ფეხბურთელია - ფუნდამენტური მოთამაშე და ერთ-ერთი კაპიტანი. ინიაკი პენიათიც კმაყოფილი ვარ - მან გერმანელის არყოფნაში თავი კარგად წარმოაჩინა.

ჩემი გადაწყვეტილება სწორია - ის აღარ შეიცვლება. გუნდს დინამიკის შეცვლა სჭირდება. ახლა მხოლოდ ამ სეზონზე ვარ ფოკუსირებული.

არ ვიცი. კლუბს მისთვის კონტრაქტის გახანგრძლივების რეკომენდაცია უკვე მივეცი. ვფიქრობ, სერჟი გუნდისთვის ძალიან მნიშვნელოვანი ფეხბურთელია, როგორც მოედანზე, ისე გასახდელ ოთახში. რობერტო ყოველთვის გვეხმარება.

სერჟი ჯერ ლაზარეთშია, მაგრამ მომავალ კვირაში მზად იქნება.

ჩემი აზრით, ეს უნდა ვცადოთ. თუ ლურჯი ბარათი კარგად იმუშავებს, ფეხბურთს დიდებული კომპონენტი დაემატება. ამ მომენტისთვის, ეს მხოლოდ ჰიპოთეზაა.

საკუთარ მატჩზე უნდა ვკონცენტრირდეთ, მაგრამ კარგი იქნება, თუ რომელიმე ან ორივე მათგანი ქულებს დაკარგავს. შეცდომების უფლება არ გვაქვს.

ეს ერთ-ერთი ვარიანტია. კრისტენსენი საყრდენი ნახევარმცველის პოზიციაზე სოლიდურია. ის უნივერსალია და რამდენიმე ზონაში თამაში შეუძლია. ანდრეასს მოედანზე ყველაფრის 360 გრადუსით დანახვის უნარი აქვს.

არაფერი შეცვლილა. დეკუსთან მეგობრული ურთიერთობა მაქვს. გუნდს ყველაფერში ვეხმარები, მიუხედავად იმისა, რომ სეზონის ბოლოს მივდივარ. მოტივირებული ვარ, რადგან ვიცი, რომ სულ უფრო და უფრო ცოტა დრო მრჩება.