ჩაბი ალონსო ბარსას სამიზნის გადაბირებას შეეცდება
ჩაბი ალონსომ, შეიძლება, "ბარსელონას" ერთ-ერთი სატრანსფერო სამიზნის, მარტინ სუბიმენდის გადაბირება სცადოს, თუ იგი მომავალი სეზონიდან "ლივერპულს" გაწვრთნის.
მართალია, ჩაბი ალონსო ამჟამად ბუნდესლიგაზეა კონცენტრირებული, სადაც იგი "ბაიერთან" ერთად სასაწაულებრივ სეზონს ატარებს, მაგრამ არაერთი წყაროს ცნობით, ესპანელი მწვრთნელი "ლივერპულში" იურგენ კლოპის პოტენციურ შემცვლელად მოიაზრება (გერმანელი მწვრთელი "ლივერპულს" სეზონის ბოლოს ტოვებს). Football Transfers-ს ცნობით, თუ ალსონსო "ლივერპულში" გადავა, მაშინ მისი ერთ-ერთი მთავარი სამიზნე "რეალ სოსიედადის" ნახევარმცველი და მისი ყოფილი შეგირდი მარტინ სუბიმენდი იქნება.
მარტინ სუბიმენდი "ბარსელონას" და "არსენალის" სატრანსფერო რადარზეა. ისიც აღსანიშნავია, რომ "არსენალი" ფეხბურთელის შესაძენად მზადაა 60 მილიონი ევრო გადაიხადოს. ეს ის თანხაა, რომლის შეთავაზებაც კატალონიელებს გაუჭირდებათ, თავიანთი ფინანსური მდგომარეობის გათვალისწინებით.
ამ სიახლეზე კომენტარები გათიშულია.
კომენტარები [ 7 ]