ბარსელონას მომავალი მწვრთნელი რობერტო დე ძერბი იქნება
AS-ის ჟურნალისტის, ხავი მიგელის ინფორმაციით, ყველაფერი იმაზე მიუთითებს, რომ "ბარსელონას" მომავალი მთავარი მწვრთნელი რობერტო დე ძერბი იქნება - ჟოან ლაპორტა და დეკუ მის კანდიდატურაზე უკვე შეთანხმდნენ.
კატალონიურმა კლუბმა იტალიელი სპეციალისტის საკითხი მის წარმომადგენლებთან (ისინი რონალდ არაუხოს აგენტებიც არიან) განიხილა. "ბარსა" მათ დაჰპირდა, რომ დე ძერბის გუნდში მოიყვანენ, თუ მისი გამოსასყიდი თანხის (დაახ. €10 მილიონი) გადახდას შეძლებენ.
იტალიელის ამჟამინდელი კლუბი "ბრაიტონია". ის სანახაობრივ, შემტევ ფეხბურთს თამაშობს და ახალგაზრდებს დიდ დროს აძლევს. წელს სწორედ რობერტოს ხელში ასპარეზობს ანსუ ფატიც.
ხელმძღვანელობას პოტენციურ მწვრთნელთა სიაში ჰანსი ფლიკი კვლავ ჰყავს, მაგრამ მასზე ბოლომდე ვერ თანხმდება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 16 ]