ლევანდოვსკიმ 100-მილიონიანი შემოთავაზება დაბლოკა
Mundo Deportivo იტყობინება, რომ "ბარსელონას" თავდამსხმელმა რობერტ ლევანდოვსკიმ ცოტა ხნის წინ საუდის არაბეთიდან 100-მილიონიანი შემოთავაზება დაბლოკა. აღსანიშნავია, რომ პოლონელს მსგავსი შემოთავაზება გასულ ზაფხულშიც ჰქონდა, თუმცა მან მაშინაც ანალოგიური გადაწყვეტილება მიიღო.
ლევანდოვსკის მიმდინარე კონტრაქტი "ბარსელონასთან" კიდევ ერთი წლით აკავშირებს, თუმცა მას ხელშეკრულების ერთი წლით გახანგრძლივებაც შეუძლია. ამ შემთხვევაში, იგი კატალონიაში 2026 წლამდე დარჩება (ამ მომენტისთვის პოლონელი 37 წლის იქნება).
არსებული ინფორმაციით, ლევანდოვსკი "ბარსელონას" მომავალი სეზონის გეგმებში შედის. როგორც ჩანს, ვიტორ როკეს მომდევნო სეზონის სკამზე გატარება მოუწევს.
რობერტ ლევანდოვსკიმ მიმდინარე სეზონში 20 გოლი გაიტანა და 9 ასისტიც გააკეთა. იგი განსაკუთრებით კარგ ფორმაში ბოლო პერიოდში შეევიდა: ის ლა ლიგის თებერვლის თვის საუკეთესო ფეხბურთელი გახდა.
ამ სიახლეზე კომენტარები გათიშულია.
კომენტარები [ 5 ]