სიახლეები დღევანდელი ვარჯიშიდან

"ბარსელონას" ფეხბურთელები ამ წუთებში "სიუტატ ესპორტივაზე" ვარჯიშობენ და "ლას პალმასთან" ხვალ გასამართი მატჩისთვის ემზადებიან.

Sport-ის ინფორმაციით, მარკ-ანდრე ტერ შტეგენს ცოტა ხნის წინ მუხლზე დისკომფორტი ჰქონდა, თუმცა ის ახლა ვარჯიშს ჩვეულებრივად აგრძელებს. გერმანელი მეკარე თავს კარგად გრძნობს.

Cadena SER იტყობინება, რომ დღევანდელ ვარჯიშში "ბარსა ატლეტიკის" ცენტრალური მცველები მიკაილ ფაი და მამადუ მბაკე მონაწილეობენ. პირველ გუნდთან ერთად ასევე ვარჯიშობენ მარკ კასადო, პაუ კუბარსი და ექტორ ფორტი.

Relevo-ს ცნობით, გუნდთან ერთად ვარჯიშობს რონალდ არაუხო, რაც კარგი სიახლეა, ცუდი კი ისაა, რომ სესიას არ ესწრება ანდრეას კრისტენსენი.

COPE-ს ინფორმაციით, ჟოაუ კანსელუ "ატლეტიკოსთან" მატჩის გამოტოვების შემდეგ განაცხადში დასაბრუნებლად მზადაა. მან სამედიცინო შემოწმება უკვე გაიარა. "ლას პალმასთან" თამაშის განაცხადში ასევე ველით ფერან ტორესსაც.