ბარსას გეგმა ექტორ ფორტთან დაკავშირებით

Diario Sport იტყობინება, რომ "ბარსელონა" მომავალ სეზონში აპირებს, რომ ექტორ ფორტი სხვა სათამაშო პოზიციაზე გამოიყენოს.

17 წლის ფეხბურთელი მარჯვენა მცველია, თუმცა "ბარსელონაში" მას იდეალურ სარეზერვო მარცხენა მცველად მოიაზრებენ. ექტორ ფორტმა პირველ გუნდში 9 თამაში ჩაატარა, ხოლო მათგან 7 შეხვედრაში მარცხენა მცველად ითამაშა. ამრიგად, კლუბისთვის ამ პოზიციაზე პირველი არჩევანი ალეხანდრო ბალდე, ჟოაუ კანსელუ ან სხვა ფეხბურთელი იქნება (თუ ხსენებული ორი მოთამაშე კლუბს დატოვებს), ხოლო ფორტი - მათი ჩამნაცვლებელი.

დაბოლოს, გავრცელებული ცნობით, "ბარსელონა" ექტორს ახალ 4-წლიან კონტრაქტზე შეუთანხმდა. ოფიციალური ცნობა ამასთან დაკავშირებით ახლო მომავალში გამოქვეყნდება.