ლეო მესის ბრწყინვალე ასისტი | არგენტინა კოპა ამერიკას მოგებით იწყებს
დღეს გამთენიისას კოპა ამერიკის 2024 წლის გათამაშება დაიწყო. A ჯგუფის პირველ მატჩში ლიონელ მესის არგენტინა კანადას დაუპირისპირდა. "ალბისელესტემ" ტიტულის დაცვა "წითლებთან" 2-0 მოგებით დაიწყო.
"ბარსელონას" ლეგენდა თამაშზე, როგორც ყოველთვის, დიდ გავლენას ახდენდა. შეხვედრაში ანგარიში მეორე ტაიმის დასაწყისში მესის აქტიურობის შემდეგ ხულიან ალვარესმა გახსნა. საბოლოო შედეგი თამაშის მიწურულს ლაუტარო მარტინესმა დააფიქსირა, რომელსაც მსოფლიოს საუკეთესო ფეხბურთელმა შესანიშნავი ასისტი გაუკეთა.
მესიმ კანადის ნაკრებთან შეხვედრაში მორიგი რეკორდი დაამყარა - ლეომ კოპა ამერიკის ისტორიაში ყველაზე მეტი, 35 მატჩი ჩაატარა. ცნობისთვის, ეს მისთვის კოპა ამერიკის მე-7 გათამაშებაა.
ეს ყველაფერი არაა - ლეო მესი ასევე გახდა პირველი ფეხბურთელი, რომელმაც კოპა ამერიკის 7 სხვადასხვა გათამაშებაში საგოლე გადაცემა გააკეთა.
მოქმედი ჩემპიონი მომდევნო მატჩს ხუთშაბათს 05:00 საათზე ჩილეს წინააღმდეგ გამართავს.
ამ სიახლეზე კომენტარები გათიშულია.
კომენტარები [ 7 ]