ოფიციალურად: სერჟინიო დესტი პსვ-ში უფასოდ გადავიდა

"ბარსელონას" ამერიკელი განაპირა მცველი სერჟინიო დესტი პსვ ეინდჰოვენს სრულფასოვანი ტრანსფერით შეუერთდა. ტრანსფერი კატალონიურმა კლუბმა ოფიციალურად დაადასტურა.

სერჟინიო დესტმა გასული სეზონი პსვ-ში იჯარით გაატარა. ეინდჰოვენში მან თავი კარგად წარმოაჩინა, მაგრამ სეზონის მიწურულს მძიმე ტრავმა მიიღო. ამ ტრავმის გამო "ბარსას" ფეხბურთელის ნიდერლანდელებისთვის უფასოდ დათმობა მოუხდა. თუმცა "ბლაუგრანა" სერჟინიოს მომავალი ტრანსფერიდან წილის მიღების უფლებას იტოვებს.