რეალ მადრიდი - ბარსელონა | მატჩისწინა მიმოხილვა

"ბაიერნის" შემდეგ "ბარსელონას" და კონკრეტულად ჰანსი ფლიკს სეზონის მეორე დიდი გამოცდა ელის. გერმანელი სპეციალისტისთვის ეს კარიერაში პირველ "ელ კლასიკო" იქნება.

კატალონიური გუნდი გამარჯვების შემთხვევაში "რეალ მადრიდს" 6 ქულით გაასწრებს და ცხრილში პოზიციებს გაიმყარებს, მადრიდელებს კი ჩამორჩენის ნულამდე შემცირება შეუძლიათ. საინტერესოა, რომ "ბლანკოსს" ხვალ არწაგების დამატებითი მოტივაცია აქვს - ლა ლიგაში ანჩელოტის გუნდის დაუმარცხებელი სერია 42 მატჩს ითვლის, რაც "ბარსას" რეკორდს 1 მატჩით ჩამორჩება. თუმცა ამ სერიის დასრულება "ბარსელონას" მოტივაციაცაა.

სათამაშო ფორმა

"ელ კლასიკოს" ორივე გუნდი კარგ ფორმაში ხვდება, რაც სანახაობრივი თამაშის წინაპირობას ქმნის. "ბარსელონა" ზრაპრული ფეხბურთის თამაშს აგრძელებს. გუნდმა "ოსასუნასთან" მარცხის შემდეგ ზედიზედ 4 მატჩი მოიგო (2 ლა ლიგაში, 2 ჩემპიონთა ლიგაზე), ჯამში 17 გოლი გაიტანა და მხოლოდ 2 გაუშვა. ყველაზე შთამბეჭდავი, ცხადია, "ბაიერნთან" 4-1 მოგებაა.

მადრიდულმა გუნდმა ლა ლიგის ბოლო ორი შეხვედრა მოიგო, რასაც ჩემპიონთა ლიგაზე დორტმუნდის "ბორუსიასთან" ზღაპრული ქამბექი (5-2) მიაყოლა. ლა ლიგაში "ბარსელონა" "რეალ მადრიდს" 3 ქულით უსწრებს, ჩემპიონთა ლიგაზე კი გუნდებს თანაბარი ქულები აქვთ, თუმცა გოლების უკეთესი შეფარდების გამო ცხრილში "ბარსა" უფრო წინაა.

მიუხედავად იმისა, რომ "რეალ მადრიდის" შემადგენლობა ბევრად ვარსკვლავურია, "ბარსა" უფრო დამაჯერებლად თამაშობს და მოგებულ შეხვედრებში კითხვის ნიშნებს არ ტოვებს.

დანაკლისი

"ბარსელონას" დანაკლისი ცოტათი შეუმცირდა - გუნდს ფრენკი დე იონგი და გავი დაუბრუნდნენ, თუმცა ტრავმა ერიკ გარსიამ მიიღო, რომელიც ლაზარეთში რონალდ არაუხოს, მარკ ბერნალს, ფერან ტორესს, ანდრეას კრისტენსენსა და მარკ-ანდრე ტერ შტეგენს შეუერთდა. 

რთული ვითარებაა "რეალ მადრიდის" მხარესაც. გუნდს დორტმუნდის "ბორუსიასთან" მატჩის შემდეგ როდრიგო და ტიბო კურტუა გამოაკლდნენ. ტრავმირებულნი არიან ასევე დავიდ ალაბა და დანი კარვახალი. "ბარსასთან" მატჩისთვის ტრავმიდან განაცხადში დაბრუნდა ბრაჰიმ დიასი.

ურთიერთშეხვედრები

"ბარსელონას" და "რეალ მადრიდს" 257 ოფიციალური შეხვედრა აქვთ ჩატარებული და უპირატესობას "რეალ მადრიდი" ფლობს: 105 მოგება, 52 ფრე და 100 წაგება. "ბარსელონას" მადრიდელთა კარში ჯამში 419 გოლი აქვს გატანილი, 436-ის წინააღმდეგ.

მატჩების უმრავლესობა ცხადია ესპანეთის ჩემპიონატშია ჩატარებული. პრიმერა დივიზიონში გამართული 188 შეხვედრიდან 79 "რეალ მადრიდმა" მოიგო, 74 "ბარსამ", ხოლო 35 ფრედ დასრულდა.

"ბლაუგრანას" ცუდი სერია აქვს - გუნდმა ზედიზედ ოთხი "ელ კლასიკო" წააგო, რომელთაგან 3 გასულ სეზონში გაიმართა. მათ შორის იყო მტკივნეული მარცხები, ბოლო წუთზე გაშვებული გოლებითა და დიდი ანგარიშებით. 

მსაჯი

"ელ კლასიკოს" ხოსე მარია სანჩეს მარტინესი განსჯის.

სანჩეს მარტინესი 41 წლისაა. მან მსაჯობა 2005 წელს მესამე დივიზიონში დაიწყო. 2011 წელს ის ესპანეთის ჩემპიონატის მე-2 დივიზიონში დაწინაურდა, 2015 წლიდან კი ლა ლიგაში მსაჯობს. მარტინესი 2017 წლიდან ფიფას კატეგორიის არბიტრია.

კარიერის განმავლობაში სანჩეს მარტინესი თამაშში საშუალოდ 27.57 ჯარიმასა და 0.29 თერთმეტმეტრიანს ნიშნავს, ფეხბურთელებს კი 5.35 ყვითელ და 0.23 წითელ ბარათს უჩვენებს. მარტინესის მიერ განსჯილი თამაშების 44%-ში მასპინძლები იგებენ, ხოლო 33%-ში - სტუმრები.

ხოსე მარიას აქამდე 6 "ელ კლასიკოში" უმსაჯია, რომელთა შედეგებიც ასეთია:

• 16/17 (ლა ლიგა): რეალ მადრიდი 0-3 ბარსელონა
•  17/18 (ესპანეთის სუპერ თასი): რეალ მადრიდი 2-0 ბარსელონა
•  18/19 (ლა ლიგა): ბარსელონა5-1 რეალ მადრიდი
•  18/19 (თასის ნახევარფინალი): რეალ მადრიდი 0-3 ბარსელონა
•  21/22 (ლა ლიგა): ბარსელონა 1-2 რეალ მადრიდი
•  22/23 (ლა ლიგა): რეალ მადრიდი 3-1 ბარსელონა

ხოსე მარია სანჩეს მარტინესის სტატისტიკა "ბარსელონასა" და "რეალ მადრიდის" თამაშებში:

მწვრთნელები მატჩის წინ

ფლიკის კომენტარი სრულად

ანჩელოტის კომენტარი სრულად

სავარაუდო შემადგენლობები

Sport

ბარსელონა (4-3-3): პენია - კუნდე, კუბარსი, მარტინესი, ბალდე - პედრი, კასადო, ფერმინი - იამალი, ლევანდოვსკი, რაფინია

რეალ მადრიდი (4-4-2): ლუნინი - ვასკესი, რუდიგერი, მილიტაო, მენდი - ვალვერდე, ჩუამენი, მოდრიჩი, ბელინგემი - ვინისიუსი, მბაპე

Marca

ბარსელონა (4-3-3): პენია - კუნდე, კუბარსი, მარტინესი, ბალდე - პედრი, კასადო, ოლმო - იამალი, ლევანდოვსკი, რაფინია

რეალ მადრიდი (4-3-1-2): ლუნინი, ვასკესი, მილიტაო, რუდიგერი, მენდი - ვალვერდე, ჩუამენი, კამავინგა - ბელინგემი - მბაპე, ვინისიუსი

AS

ბარსელონა (4-3-3): პენია - კუნდე, კუბარსი, მარტინესი, ბალდე - პედრი, კასადო, ფერმინი - იამალი, ლევანდოვსკი, რაფინია

რეალ მადრიდი (4-4-2): ლუნინი - ვასკესი, რუდიგერი, მილიტაო, მენდი - ვალვერდე, მოდრიჩი, ჩუამენი, ბელინგემი - მბაპე, ვინისიუსი

Relevo

ბარსელონა (4-2-3-1): პენია - კუნდე, კუბარსი, მარტინესი, ბალდე - პედრი, კასადო - იამალი, ფერმინი, რაფინია - ლევანდოვსკი

რეალ მადრიდი (4-4-2): ლუნინი - ვასკესი, რუდიგერი, მილიტაო, მენდი - ვალვერდე, ჩუამენი, მოდრიჩი, ბელინგემი - ვინისიუსი, მბაპე

პროგნოზი

• WhoScored: 3-3
• Sportskeeda: 2-3
• Sportsmole: 2-2
• Goal.com: 2-2