ჩემპიონთა ლიგაზე ბარსელონას მეტოქე დღეს გაირკვევა

დღეს ჩემპიონთა ლიგის მიმდინარე გათამაშების ბოლო წილისყრაა. ღონისძიებაზე, რომელიც თბილისის დროით 15:00 საათზე დაიწყება, პლეი ოფების ბადე სრულად გაირკვევა.

"ბარსელონას" პოტენციური მეტოქე სულ ორია. ჰანსი ფლიკის გუნდი  მერვედფინალში ან "პარი სენ-ჟერმენს", ან "ბენფიკას" დაუპირისპირდება.

1/8-ფინალის თამაშები 4-5 და 11-12 მარტს გაიმართება. იმის გამო, რომ "ბარსელონა" განთესილია, უკვე ცნობილია, რომ კატალონიელები პირველ შეხვედრას სტუმრად, განმეორებითს კი საკუთარ მოედანზე ჩაატარებენ.

წილისყრის პირდაპირ ეთერში ხილვა სილქ უნივერსალსა და Setanta Sports 1-ზე შეგიძლიათ.