ბოიანი იტალიაში ითამაშებს

კატალონიის "ბარსელონას" ოფიციალურმა საიტმა გამოაქვეყნა ინფორმაცია, სადაც ნათქვამია, რომ "ბარსელონამ" და იტალიურმა "რომამ" შეთანხმებას ბოიან კრკიჩის თაობაზე უკვე მიაღწიეს...

როგორც განცხადებაშია ნათქვამი, ბოიანის სანაცვლოდ რომაელებმა 12 მილიონი ევრო გადაიხადეს. 2012/13 წლების სეზონის ბოლოს კი კატალონიურ მხარეს მისი გამოსყიდვა 13 მილიონი ევროს სანაცვლოდ შეეძლება. დღეს, ადგილობრივი დროით 13 საათსა და 30 წუთზე "ნოუ კამპის" პრეს–ოთახში ახალგაზრდა ფეხბურთელი პრეს–კონფერენციას გამართავს.