მესი კატალონიურ დერბის ისტორიაში საუკეთესო ბომბარდირი გახდა

ლიონელ მესი კატალონიური დერბის ისტორიაში საუკეთესო ბომბარდირი გახდა. ესპანეთის ჩემპიონატის მე-14 ტურში, "ესპანიოლთან" მატჩში ჰეთ თრიქის შესრულების შემდეგ, არგენტინელის ანგარიშზე დერბიში გატანილი 12 გოლია.

რეკორდი, აქამდე, "ბარსელონას" ლეგენდას, სესარ როდრიგესს ეკუთვნოდა, რომელმაც 21 თამაშში "ესპანიოლს" 11-ჯერ გაუტანა. მესის, "ესპანიოლის" კარში 12 გოლის გასატანად 16 თამაში დასჭირდა.

საინტერესოა, რომ მესიმ, სხვა არაერთი რეკორდის მსგავსად, ეს რეკორდიც ჰეთ თრიქით დაამყარა.