RAC1: მესიმ "ელ კლასიკოში" ტრავმით ითამაშა

ესპანური RAC1-ის მიერ გავრცელებული ინფორმაციის თანახმად, ლიონელ მესის, "ელ კლასიკოს" დროს, ტრავმა უკვე აწუხებდა.

ბოლო დღეებში ვრცელდება ინფორმაცია, რომ არგენტინის ნაკრებში მესის უთამაშებლობის მიზეზი "რეალთან" გამართულ მატჩში მიღებული ტრავმაა. თუმცა, როგორც ირკვევა, ლეომ დაზიანება რამდენიმე დღით ადრე, "მანჩესტერ სიტისთან" ჩემპიონთა ლიგაზე გამართულ შეხვედრაში მიიღო. ტრავმის მიუხედავად, არგენტინელმა "ელ კლასიკოში" მაინც ითამაშა და შედეგად, ის სრული დატვირთვით ვარჯიშს დღემდე ვერ ახერხებს.