პოგბა: "რა თქმა უნდა, მესისთან ერთად თამაში მინდა"

ტურინის "იუვენტუსის" ფრანგი ვარსკვლავი პოლ პოგბა ადასტურებს, რომ მას "ბარსელონას" თავდამსხმელთან, ლიონელ მესისთან ერთად თამაში სურს.

როგორც ცნობილია, "ბარსელონა" პოგბას შეძენით დიდი ხანია დაინტერესებულია. მას შემდეგ, რაც "რეალის" მთავარ მწვრთნელად პოგბას თანამემამულე ზინედინ ზიდანი დაინიშნა, გავრცელდა ინფორმაცია, რომ მადრიდელები 22 წლის ნახევარმცველის ხელში ჩაგდებას შეეცდებოდნენ. თუმცა, როგორც ირკვევა, თავად პოგბას მესისთან ერთად თამაში უნდა.

"ყველამ ვიცით, რომ მესი ფანტასტიკური ფეხბურთელია. რა თქმა უნდა, მასთან ერთად ერთ გუნდში თამაში მინდა, ისევე, როგორც სხვა ბრწყინვალე ფეხბურთელებთან." - განაცხადა პოლ პოგბამ.