ალვესი: "რონალდუ ჩემზე გაბრაზებული იყო, მაგრამ ამის გამო არ ვღელავ"
"ბარსელონას" ბრაზილიელი განაპირა მცველი დანი ალვესი "რეალის" პორტუგალიელ შემტევთან, კრიშტიანუ რონალდუსთან მომხდარ უთანხმოებაზე საუბრობს.
"ოქროს ბურთის" დაჯილდოების წინ, ალვესმა განაცხადა, რომ რონალდუ სამეულში მოხვედრას არ იმსახურებდა. ამის გამო, პორტუგალიელი ბრაზილიელს, დაჯილდოების დროს, არ მიესალმა და გავრცელებული ინფორმაციით, მას იდიოტი უწოდა. მომხდართან დაკავშირებით ალვესმა კომენტარი მხოლოდ ახლა გააკეთა.
"რონალდუზე გაბრაზებული არ ვყოფილვარ. ჟურნალისტები ჩემი ნათქვამით მანიპულირებდნენ. მან კი იფიქრა, რომ ეს მასზე ვთქვი. რონალდუზე პირადად არასდროს მისაუბრია. მაჩვენეთ, როდის ვთქვი ასეთი რამ?
რონალდუზე, როგორც პიროვნებაზე ვისაუბრე ისე, როგორც, მაგალითად, ნეიმარზე ვისაუბრებდი, რადგან ისინი ცნობადი სახეები არიან. ჩემი სიტყვებით მანიპულირება მოხდა და ის გაბრაზდა.
ციურიხში, მასთან მისასალმებლად მივედი, როგორც ასეთ დროს ხდება ხოლმე, მაგრამ ის გაბრაზებული იყო. ეს, ჩემთვის, პრობლემა არაა. მომხდარის მიუხედავად, კარგად მძინავს. ამის გამო არ ვღელავ.
რონალდუმ მკითხა, რატომ ვთქვი ასეთი რამ, მე კი ვუპასუხე, რომ არ მითქვამს. მასთან დაკავშირებით კითხვა დამისვეს და ვუპასუხე. როდესაც ცნობადი სახე ხარ, ასეთი რამ ხდება.
რატომ უნდა ვისაუბრო რონალდუზე, თუ მას არ ვიცნობ? მე შემიძლია ფეხბურთზე ჩემი აზრი დავაფიქსირო. იმედი მაქვს, ის თავისი ცხოვრებით კმაყოფილია."
ამ სიახლეზე კომენტარები გათიშულია.
კომენტარები [ 55 ]