"ბარსელონა" "მილანის" ამომავალ ვარსკვლავს აკვირდება
"ბარსელონას" სკაუტები, ამ წუთებში, "მილანის" ახალგაზრდა მეკარეს, ჯანლუიჯი დონარუმას აკვირდებიან. ამ ინფორმაციას Sky Sport Italia ავრცელებს.
დონარუმა იტალიური ფეხბურთის ამომავალი ვარსკვლავია. 16 წლის ასაკში ის უკვე "მილანის" ნომერ პირველი მეკარეა. ბუნებრივია, ახალგაზრდა ფეხბურთელის მიმართ ინტერესს არაერთი კლუბი იჩენს.
იტალიური პრესის ცნობით, "მილანსა" და "ჯენოას" შორის ამ წუთებში მიმდინარე თამაშს "ბარსელონასა" და "ჩელსის" სკაუტები ესწრებიან. მათი მიზანი სწორედ დონარუმაზე დაკვირვებაა.
ახალგაზრდა ფეხბურთელის "მილანიდან" გადაბირება იოლი არ იქნება. გასულ თვეში, მილანელთა ვიცე-პრეზიდენტმა, ადრიანო გალიანიმ განაცხადა, რომ მისი გუნდი დონარუმას ტრანსფერთან დაკავშირებით მიღებულ ნებისმიერ შეთავაზებას უარით უპასუხებს.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 31 ]