რაკიტიჩი პენალტების შესასრულებლად მზადაა
არაა გამორიცხული, ხორვატმა ნახევარმცველმა ის ერთ-ერთი საქმიანობა დაიბრუნოს, რომელსაც ადრე "სევილიას" მაისურით თამაშის დროს ასრულებდა.
"ბარსელონაში" თერთმეტმეტრიანების დამრტყმელთა პრობლემა კვლავ მოუგვარებელია. მას შემდეგ, რაც პენალტი ლუის სუარესმა "ხიხონს" ვერ გაუტანა, ამ თემამ აქტუალურობა დაიბრუნა.
აღსანიშნავია, რომ მიმდინარე სეზონში კატალონიელებმა პენალტი სულ 15-ჯერ დაარტყეს, საიდანაც შვიდის რეალიზება ვერ მოხდა. თუმცა, ამ შვიდიდან ერთ-ერთია "სელტასთან" შეხვედრაში ლიონელ მესის მიერ გათამაშებული პენალტი, რომელიც შემდეგ სუარესმა გაიტანა.
აქედან გამომდინარე, გაჩნდა ვერსია, რომ შესაძლოა, "ბლაუგრანაში" თერთმეტმეტრიანები ივან რაკიტიჩმა შეასრულოს, რომელსაც ამის გამოცდილება "სევილიას" შემადგენლობაში თამაშის დროს აქვს მიღებული.
თავად ხორვატი ამის წინააღმდეგი არაა: "თუ საჭირო იქნება, მზად ვარ, პენალტები დავარტყა".
ამ სიახლეზე კომენტარები გათიშულია.
კომენტარები [ 29 ]