"არსენალთან" მატჩის განაცხადი ცნობილია
დღეს, ჩემპიონთა ლიგის 1/8 ფინალის განმეორებითი შეხვედრა გაიმართება, სადაც კატალონიის "ბარსელონა" ლონდონის "არსენალს" უმასპინძლებს. "ბარსელონას" მთავარმა მწვრთნელმა, ლუის ენრიკემ ის 18 ფეხბურთელი დაასახელა, რომლებიც დღეს გასამართი მატჩის განაცხადში მოხვდნენ.
ტრავმის გამო დღევანდელ შეხვედრაში გუნდს, რაფინია ალკანტარა და სანდრო რამირესი ვერ დაეხმარებიან, ასევე ხერარდ პიკე, რომელიც დისკვალიფიცირებულია. რაც შეეხებათ მასიპს, დუგლასსა და ადრიანოს, ისინი ენრიკეს გადაწყვეტილებით დაისვენებენ. აღსანიშნავია, რომ არდა თურანს "ბარსელონას" მაისურით ჩემპიონთა ლიგაზე თამაშის შანსი პირველად ეძლევა.
"ბარსელონას" განაცხადი ასე გამოიყურება: ტერ შტეგენი, ბრავო, რაკიტიჩი, ბუსკეტსი, ალვესი, თურანი, ინიესტა, სუარესი, მესი, ნეიმარი, მუნირი, ბარტრა, მასკერანო, ალბა, ს. რობერტო, ვიდალი, ვერმალენი, მატიე.
ამ სიახლეზე კომენტარები გათიშულია.
კომენტარები [ 32 ]