სუარესი პრიმერას საუკეთესო ბომბარდირი გახდა

"ბარსელონას" ვარსკვლავი, ლუის სუარესი, ესპანეთის ჩემპიონატის 2015/16 წლების გათამაშების საუკეთესო ბომბარდირი გახდა.

სუარესმა ესპანეთის ჩემპიონატის ბოლო ტურის მატჩში (0:3) "გრანადას" ჰეთ თრიქი შეუსრულა. 29 წლის ურუგვაელს პრიმერას 35 მატჩში 40 გოლი დაუგროვდა და საუკეთესო ბომბარდირი გახდა.

გარდა ამისა, სუარესი ესპანეთის ჩემპიონატის ისტორიაში გახდა მე-3 ფეხბურთელი, რომელმაც 40-გოლიან ნიშნულს მიაღწია. აქამდე 40 და მეტი გოლი ლიონელ მესისა და კრიშტიანუ რონალდუს პრიმერას 3-3 გათამაშებაში გაუტანიათ.

ლუის საურესი "ბარსელონას" 2014 წლის ზაფხულში "ლივერპულიდან" შეუერთდა. მან, ამ დროის განმავლობაში, კატალონიურ კლუბში 95 მატჩი ჩაატარა და 84 გოლი გაიტანა.