ბაუსა "ბარსელონას" აკრიტიკებს

არგენტინის ეროვნული ნაკრების მთავარი მწვრთნელი ედგარდო ბაუსა უკმაყოფილოა იმით, რომ მისი გუნდის ლიდერი ლიონელ მესი, ტრავმის მიუხედავად, "ბარსელონაში", მუდმივად თამაშობს, შედეგად კი, ლეოს რეციდივი აქვს.

"როგორც ჩანს, მესის ტრავმა აქვს და ის არგენტინას მომდევნო ორ შეხვედრაში ვერ დაეხმარება.

მიკვირს, რომ ლეო "ბარსელონას" ყველა მატჩში თამაშობს იმ პრობლემის მიუხედავად, რომელიც მას აქვს. "ბარსელონა" წერილებს გვიგზავნის და გვეუბნება, რომ ჩვენ მესიზე არ ვზრუნავთ, თუმცა ამას ისინი თავად აკეთებენ.

ყველას გვინდა, რომ მესიზე ვიზრუნოთ. იმედი მაქვს, ის ბრაზილიასთან მატჩისთვის დაგვიბრუნდება."