ენრიკე ინიესტაზე იმედს ამყარებს

"ბარსელონას" მთავარმა მწვრთნელმა, ლუის ენრიკემ აღნიშნა, რომ ჩემპიონთა ლიგის 1/8 ფინალის განმეორებით მატჩში ანდრეს ინიესტაზე იმედს ამყარებს. როგორც იცით, პრიმერა დივიზიონის 26-ე ტურის შეხვედრაში გუნდის კაპიტანი სათადარგოთა სკამზე იჯდა.

"ინიესტას უფრო და უფრო უნდა გავუფრთხილდეთ. პსჟ-სთან მატჩს ის საუკეთესო მდგომარეობაში ხვდება. მას ვესაუბრე და გადავწყვიტეთ, რომ ანდრესი დოზირებულად უნდა დავტვირთოთ. კაპიტანი ამჟამად ძალიან კარგ ფორმაშია.

მოედანზე "სელტას" წინააღმდეგ გატარებული 25 წუთი "პარი სენ-ჟერმენთან" კარგი ასპარეზობისთვის საკმარისი უნდა იყოს."-ამბობს ენრიკე.

შეხვედრა "ბარსელონასა" და პსჟ-ს შორის 8 მარტს გაიმართება.