პსჟ ანდრე გომეშს უმიზნებს

პსჟ-ს მთავარი მწვრთნელი, უნაი ემერი ანდრე გომეშით არის დაინტერესებული, იტყობინება Mundo Deportivo.

ბასკ სპეციალისტს პორტუგალიელის შესაძლებლობები ხიბლავს და ანდრეს საკუთარ განკარგულებაში ხილვა სურს.

წყაროს ინფორმაციით, კატალონიელები გომეშის საფრანგეთში გადასვლას არ ეწინააღმდეგებიან, მაგრამ თავის მხრივ ისინი ანხელ დი მარიას ითხოვენ. ესპანური გრანდი გაცვლის წინააღმდეგი არ არის.

აღსანიშნავია, რომ გომეშით ტურინის "იუვენტუსიც" არის დაინტერესებული.