6 თვის წინ "ბარსელონა" რიკი პუჩის გუნდიდან გაშვებას აპირებდა

"ბარსელონას" ამომავალი ვარსკვლავი რიკი პუჩი, ცოტა ხნის წინ, კატალონიური კლუბის დატოვებასთან ახლოს იყო.

ესპანური El Pais-ის ინფორმაციით, დაახლოებით 6 თვის წინ, "ბარსას" გენერალურმა დირექტორმა, პეპ სეგურამ, პუჩის მამას აცნობა, რომ კლუბი ფეხბურთელის ფიზიკური მონაცემებით უკმაყოფილო იყო და მასთან ახალი კონტრაქტის გაფორმებას არ აპირებდა.

იმავე წყაროს ცნობით, საქმეში "ბარსელონას" პრეზიდენტი, ჟოზეპ მარია ბართომეუ ჩაერია, რომლის გადაწყვეტილებითაც, 18 წლის ფეხბურთელმა, 2 თვის წინ, ახალი ხელშეკრულება გააფორმა.