როგორ იცვლებოდა მესის სატრანსფერო ფასი დროთა განმავლობაში

ლიონელ მესის სატრანსფერო ფასის ცვლილება - ნამდვილი საგაა. როდესაც "ბარსელონაში" 2003 წელს ახალგაზრდა არგენტინელის დებიუტი შედგა, მისი სატრანსფერო ფასი - 3 მილიონ ევროზე ნაკლები იყო. 

2007 წლისთვის ზემოთხსენებული თანხა საგრძნობლად გაიზარდა და 40 მილიონ ევროს მიაღწია, ეს კი დაახლოებით 2009 წლამდე გრძელდებოდა. ამ წელს "ბარსელონამ" ისტორიული სეზონი ყველა ტიტულის მოგებით დაასრულა, მესის სატრანსფერო ფასი კი 70 მილიონი ევრო გახდა.

2010/2011 სეზონში მესის ფასი 100 მილიონი ევრო ხდება, მას შემდეგ კი ის ამ ნიშნულს არასდროს ჩამომცდარა. "ბლაუგრანას" კაპიტნის პიკი 2018 წლამდე გაგრძელდა, როდესაც ლეოს ღირებულებამ 180 მილიონ ევროს მიაღწია, მას შემდეგ კი ნელ-ნელა ვარდნა დაიწყო. 

ამჟამად არგენტინელის სატრანსფერო ღირებულება 150 მილიონი ევროა, ამ მაჩვენებლით კი ის მსოფლიოში მესამე ძვირადღირებული მოთამაშეა, მასზე ძვირი ნეიმარი (180 მილიონი) და კილიან მბაპე (200 მილიონი) ღირს.