ბარსელონამ ჰოლანდს ბოლო შეთავაზება გაუკეთა

"ბარსელონა" ერლინგ ჰოლანდის შეძენის იმედს არ კარგავს, თუმცა კატალონიელები არ აპირებენ, ნორვეგიელის წარმომადგენლების ყველა მოთხოვნა დააკმაყოფილონ.

ცნობილია, რომ "ბარსელონა" ჰოლანდის აგენტისა და მამისთვის 50-50 მილიონი ევროს გადახდაზე უარს აცხადებს.

კატალონიური Sport-ის ცნობით "ბლაუგრანამ" ნორვეგიელს საბოლოო შეთავაზება გაუკეთა. კატალონიელები მზად არიან, ფეხბურთელს მომდევნო 5 წლის განმავლობაში 190 მილიონი ევრო გადაუხადონ. ამას "დორტმუნდისთვის" გადასახდელი 75 მილიონი ევრო ემატება.

"ბლაუგრანას" შეთავაზება "რეალისა" და "მანჩესტერ სიტის" პირობებს ჩამორჩება, მაგრამ კატალონიაში იმედი აქვთ, რომ ჰოლანდს სპორტული პროექტით მოხიბლავენ.