ოფიციალური ინფორმაცია ბუსკეტსის ტრავმაზე

"სევილიასთან" გუშინ გამართულ შეხვედრაში (3-0) "ბარსელონას" კაპიტანმა, სერხიო ბუსკეტსმა კოჭის ტრავმა მიიღო.

დღეს ფეხბურთელს გამოკვლევები ჩაუტარდა და "ბარსამ" ოფიციალური ინფორმაციაც გაავრცელა. როგორც მოსალოდნელი იყო, ბუსკეტსს კოჭის იოგი აქვს დაჭიმული.

გავრცელებული ინფორმაციით ფეხბურთელს 2-3 კვირა გაუცდება. ეს ნიშნავს, რომ ის ლა ლიგაში "ვილიარეალთან" და "კადისთან", ასევე ევროპა ლიგაზე "მანჩესტერ იუნაიტედთან" ერთ შეხვედრას გამოტოვებს. ბუსკეტსის მოედანზე ხილვა საეჭვოა "იუნაიტედთან" განმეორებით მატჩში, ასევე "ალმერიასთან" დაპირისპირებაშიც.