ოფიციალური ინფორმაცია ბუსკეტსის ტრავმაზე

რამდენიმე წუთის წინ, "ბარსელონამ" სერხიო ბუსკეტსის მტკივან ფეხზე ჩატარებული სამედიცინო შემოწმების შედეგები გაასაჯაროვა. მოლოდინი დადასტურდა - კატალონიელთა საყრდენ ნახევარმცველს კოჭის მყესი აქვს დაჭიმული.

ბუსკეტსმა ტრავმა "ეიბართან" გუშინ მოგებული თამაშის (4:0) მე-8 წუთზე მიიღო. როგორც გაირკვა, 28 წლის ფეხბურთელი სერიოზულ დაზიანებას გადაურჩა. მისი მკურნალობის ვადების შესახებ ოფიციალური ინფორმაცია არ ვრცელდება. "ბარსელონას" ვებგვერდის ცნობით, ბუსკეტსის მოედანზე დაბრუნება მის გამოჯანმრთელების პროცესზე იქნება დამოკიდებული.

ესპანელი ჟურნალისტების მიერ გავრცელებული არაოფიციალური ინფორმაციით კი, ბუსკეტსს 2-დან 4 კვირამდე გაუცდება.