ჩავის ლევანდოვსკის გაშვება სურდა

Gol a Gol იტყობინება, რომ ჩავი ერნანდესი აპირებდა, რომ მომავალი სეზონიდან "ბარსელონადან" რობერტ ლევანდოვსკი, ვიტორ როკე, ჟოაუ ფელიში, ორიოლ რომეუ და მარკოს ალონსო გაეშვა.

გამოცემის ცნობით, ჩავის ეს სურვილი ერთ-ერთი იმ მიზეზთაგანი იყო, რამაც ესპანელის სპეციალისტის თანამდებობიდან დათხოვნა გამოიწვია. ჟოან ლაპორტას მიაჩნდა, რომ რობერტ ლევანდოვსკი და ვიტორ როკე იმსახურებდნენ გუნდში ადგილს. პრეზიდენტი არც ფელიშის დარჩენას  გამორიცხავდა.

ამ ფონზე, დირექტორთა საბჭოს ჰანსი ფლიკის მოსვლა მართებულ გადაწყვეტილებად მიაჩნია. გერმანელი სპეციალისტი, არსებული ცნობით, ლევანდოვსკისა და როკეს შანსს მისცემს, ხოლო ფელიშის შესახებ გადაწყვეტილება მას ჯერ არ მიუღია.