პსჟ-ს პრეზიდენტი: "იმედგაცრუებულნი ვართ"

"პარი სენ ჟერმენის" პრეზიდენტი ნასერ ალ-ხელაიფი ჩემპიონთა ლიგაზე "ბარსელონასთან" წაგების გამო იმედგაცრუებულია, მაგრამ ის 1/2-ფინალში გასვლის იმედს მაინც არ კარგავს.

"საკმარისად აგრესიულები არ ვიყავით და როდესაც "ბარსელონასთან" ასე თამაშობ, მოგება შეუძლებელია.

დარწმუნებული ვარ, ბლანი, ამ საკითხთან დაკავშირებით, ფეხბურთელებს დაელაპარაკება და ისინი დაშვებულ შეცდომებს გაანალიზებენ.

ჩემპიონატსა და ჩემპიონთა ლიგაზე კვლავ კონცენტრირებულნი უნდა ვიყოთ. თამაშის ვერმოგებით იმედგაცრუებულნი ვართ, მაგრამ ეს სამყაროს დასასრული არაა."